گؤزله ییرم

بئله نقل ائیله ییرلر کی، ایکینجی دنیا محاربه سینین زامانیندا بیر قیز و اوغلانین آراسیندا عشق حکمرانلیق ائدیرمیش.

اوغلان طیاره سوروجوسو اولدوغونا گوره محاریبده ایشتراک ائتمه یه مجبور قالیر.

بو ایکی سئوگیلی بیر-بیرلریندن  آیریلان گون آرالاریندا بیر قرار  توتورلار. فلان تاریخده جمعه گونو فلان یئرده هر ایکیمیز آغ پالتارلارلا و قیزیل لاله گوللرله الیمیزده بیر-بیریمیزین گؤروشونه گله ک.

آیلار کئچیرگونلر اؤتور قرار گونو گلیر چاتیر. قیز آغ گئیینیب بیر دسته لاله گول الینده گئدیر اوغلان دئدیگی مکانا. چوخ گؤزله ییر آما اوغلاندان بیر خبر چیخمیر. قیز اؤز یانیندا گمان ائدیر کی بلکه تاریخی سهو ائتمیشم. اوندا بس گئدیم گلن جمعه گلیم.

ساواشدا اوغلانین طیاره سی وورولور و هیچ واخت قاییتمیر. قیز ایسه عمرونون آخیریناجان هر جمعه  او مکانا گلیب گؤز یاشی یاناغیندا  آغ پالتار اینینده لاله گوللر الینده بئله اوخویارمیش:

سئوگیلیم

     من هله ده

                دایانیب دؤنگه ده یول گوزله ییرم

گوزومو زیلله یه رک او اوزاقلارداسنی ایزله ییرم

ایمانیم وار بونا من

بیلیرم بیر گون سن

بیر پری تک بورونوب آغ ایپه یه

بیر قوجاغ لاله ایله گله جکسن گؤروشه

من او گون اولماسام بوردا اگر

گورمه سن مندن اثر

    قبریم اوسته اک او لاله لری

قوی کؤزه رسین ابدی سئوگی ـحیات آتشی تک

تا کی سئودالی کؤنوللرده اومید شعله چکه