شیفاهی خالق ادبیاتی

تورک فولکلورو یا تورکلرین شیفاهی خالق ادبیاتی ان زنگینلی ادبیاتلاردان بیری ساییلیر. بوخزینه، دیلدن- دیله و سینه دن سینه یه آتا- آنالاریمیزدان گلیب بیزه چاتیب. دئمک اولار کی، بوشیفاهی خالق ادبیاتی، ناغیللاردا، ماهنیلاردا، تاپماجالاردا، لایلای لاردا وبوتون عادت-عنعنعه لرده  یئر توتوب. بیزیم خالقیمیز بوتون ایللر کیتاب و ماهنی یازماقلا و یاخین ایللرده فیلم چکمکله و بیر چوخلو چئشیتلی یوللارلا چالیشیب کی بو ادبیاتی قورویوب ساخلاسین.

 آمما بونو بیلمه لیک بو ادبیاتین قورونماغی کی، اولو آتا- آنالاریمیزدان بیزه یادیگار قالیب هر بیریمیزین بورجودور. اوشاقلاریمیزین ان کیچیک واقتیندان باشلامالیییق کی اونلاری بو اینجه صنعتله تانییش ائده ک. آنالاریمیز بیز، دیل آچمامیشدان اول بیزه اویره تدیلر بیزده گره ایلک لایلای دان باشلاییب و اونلارین قولاقلارینا زومزومه ائده ک.

عزیزیم باشیوی یاستیغا قوی. یورقانیوی چک اوستووه سویوق وورماسین و یاخشیجا دینله منی

لایلای دئدیم یاتاسان

قیزیل گوله باتاسان.

قیزیل گولون ایچینده

شیرین یوخو تاپاسان.

لایلای بئشیگیم لایلای،

ائویم ائشیگیم لایلای

اوزون گئجه لر بویو

چکیم کئشیگین لایلای.

لایلای دئدیم اوجادان

سسیم چیخمیر باجادان

تانری سنی ساخلاسین

چیچکدن ، قیزیلجادان .

لایلای دئدیم یاتینجا

گؤزلرم آی باتینجا

جانیم دوداغا یئتدی،

سن حاصیلا چاتینجا.

لایلای دئدیم، جان دئدیم،

یوخودان اویان دئدیم.

سن یوخودان دورونجا

جانیمی قوربان دئدیم.

لایلای دئدیم یاتاسان

شیرین یوخو آلاسان

شیرین یوخو ایچینده

منی یادا سالاسان.

لایلای منه قالان لایلای

شیرین دیللی بالام لایلای

                                          duman