امام زمان(عج)

آیا دئییر لر زنده قالار بیر بشر مین ایل

عمر ائتسه گر یوز ایل اجلی ناگهان گلیر

اما وئریبدیر وعده خداوند لا یزال

بیر گون جهانین عمرو قالا، قان آلان گلیر

بو وعده حقدیر کور اولا گر دیده ی حسود

گر اون مین ایل ده عمر ائده مهدی(عج) جوان گلیر

تایید ائدر مؤکدا اوچ یوز اون اوچ نفر

هر بیر رژیمی باطل ائدن بیر خط نشان گلیر

دونیادا بیرجه باطینه حکم ائیله ین او دور

کیم ظالیم اولسا تیغی اونا جان ستان گلیر

بیز شیعه ییز وار او حضرته عقیده میز

افسوس بیلمه ریک گلیر آیا هاچان گلیر

بیر گون جهان ظلمتی عدل ایله دولدورار

ذلت له دادگاهینا گردن کشان گلیر

سیلی وورانلار عدل ایله سیلی یئیرلر او گون

آللاه الی ایله ظالیمه سیلی ووران گلیر

 ائیلر او منتقم آقا چون کعبدن قیام

جبرئیل سسله نرکی، گلین حق ستان گلیر

اول گلر بقیعه او سلطان خونجگر

سسلر کی، منتقم

آی نه نه"!

 بالان خسته جان گلیر

گیزلین مزاریوی ائده رم ایندی آشکار

هرگون سنین زیارتیوه شیعیان گلیر

هرکیم علی محبدیر نه نه،  محرمدیر قبریوه

تا من وارام زیارتیوه دوستان گلیر

                                           سلیم مؤذن زاده

--------------------------------

ای قلم سوزلریمده اثر یوخ

فاطمه (ع)یوسفیندن خبر یوخ

گلدی بو جمعه ده گئچدی آللاه

گون سایین جمعه ی دیگر اولسون